Na Radio Galega

Dende o seu inicio, esta Borralleira subscribiu os principios do Código Cociña, esa proposta de boas prácticas blogastronómicas que xa superou o cento de adhesións e comeza a adquirir un interesante eco mediático. Hai dous días, na Radio Galega Cristina Lombao, a presentadora de O tren do serán, entrevistou a Manolo Gago verbo do código, e amosou un especial interese por este blog e as súas receitas inglesas; moitas grazas, Cristina: alédome de que che guste este menú! Se vos apetece escoitar a conversa, podedes seguila aquí; só tedes que picar no nome do programa, que empeza coa entrevista.